Ish-eprori i lartë i Ushtrisë Çlirimtare të Kosovës, Policisë dhe ish-agjenti i SHIK-ut, Naim Miftari, thotë se dosjet e publikuara nga sekserët e PDK-së, kinse të Gjykatës Speciale janë gënjeshtër.
Sipas tij, ato dosje janë të blera nga SHIK-u prej prokurorëve serbë.

Miftari thotë se, këtë gënjeshtër e kanë bërë sekserët e PDK-së.
“Tentimi i sekserëve dhe tupangjive të Hashim Thaçit, Ilmi Reçices, Kadri Veselit…që përmes zëdhënësve të tyre në OVL (PDK e vogël) ti paraqes kinse disa korrespodenca në mes SPO dhe Serbisë të blera përmes thesarëve të SHIK-ut nga disa prokurorë serbë, dhe shumicën e dosjeve tjera të shtuara me shkarravina të SHIK-ut ku disa janë deklarata të dhëna nga dëshmitarët në EULEX-it si kinse dokumente sekrete të SPO, janë një gënjeshtër e madhe”, thotë ai.

Ai pohon se, shumica e atyre dosjeve që këta po i konsiderojnë si top sekret, janë dokumente, deklarata të dëshmitarëve që janë ftuar zyrtarisht nga hetuesit e misionit evropian të ligjit në Kosovë, EULEX-ut, që i janë dorëzuar nga EULEX-i, pas skadimit të këtij misionit prokurorëve dhe hetuesve të Kosovës.
“Pastaj, këta servilat e Thaçit, Reçicës, Veselit…pra Lumezi, Millaku, Hoxha, Kalludra e Hajdaraj e kanë vjedhur këtë material nga zyrat e veta dhe ia kanë dorëzuar privatisht shefave të tyre të lartë cekur. E pas kësaj vijon me skeçin tjetër të dobët kinse, Raketa, Vetëtima… po iu bjen dosje top sekrete OVL-UÇK-së të SPO. Këto janë përralla dhe filma turk. Tentimi i Thaçit, për të shantazhuar SPO përmes këtyre skenave teatrale televizive që të mos ia konfirmojnë aktakuzën nuk do të kalon, pasi që SPO nuk është gjykatë e korruptuar e Malishevës dhe servilëve të pushtetit si Lumezi, Millaku, Hoxha, Kalludra, Hajdarajve…”, thekson ai.