Grupi militant Shteti Islamik ka thënë se ka kryer sulmet në Xhakartë të Indonezisë, njofton një agjenci e lajmeve e lidhur me të.

Një seri shpërthimesh me bomba kanë goditur sot kryeqytetin indonezian, duke u pasuar me të shtëna me armë zjarri.

Policia ka bërë të ditur se pesë sulmues dhe dy njerëz të tjerë janë vrarë.Sulmuesit kanë përfshirë disa kamikazë.

Policia indoneziane, më vete, ka thënë se dyshon se një grup lokal, i lidhur me Shtetin Islamik, ka kryer sulmet.Presidenti i Indonezisë, Joko Widodo, ka thënë se sulmet janë “akt i terrorit”.Indonezia është vendi me popullsinë më të madhe myslimane në botë.