Greqia po shfrytëzon sistemin e alarmeve detare Navtex në kundërshtim me marrëdhëniet e fqinjësisë së mirë, deklaroi ministri i Mbrojtjes i Turqisë, Hulusi Akar.

“Kjo çështje është jashtëzakonisht e shfrytëzuar nga fqinji ynë. Dhjetëra Navtex u njoftuan në tre muaj. Vetëm dy prej tyre janë përdorur dhe të tjerët jo. Ky është ngacmim. Kjo është jashtëzakonisht në kundërshtim me marrëdhëniet e fqinjësisë së mirë”, u tha Akar komandantëve të lartë në një video konferencë.

Sipas Anadolu Agency, Navtex, ose “Navigational Telex”, është një sistem i komunikimit detar që lejon anijet të informojnë anije të tjera për praninë e tyre në një zonë, si dhe informacione të tjera.

Në lidhje me zhvillimet në Egje dhe Mesdheun Lindor, Akar përsëriti se Turqia është për gjetjen e zgjidhjes politike për problemet, si dhe marrëdhëniet e fqinjësisë së mirë dhe dialogun.

Duke nënvizuar se të jesh për marrëdhënie të fqinjësisë së mirë nuk duhet të keqkuptohet, Akar shtoi se kjo nuk do të thotë të bësh kompromise. Turqia, tha ai, do të vazhdojë të mbrojë të drejtat e saj në Egje dhe Mesdheun Lindor.

Turqia, e cila ka vijën bregdetare më të gjatë kontinentale në Mesdheun Lindor, ka hedhur poshtë pretendimet kufitare detare të Greqisë dhe administratës Greke Qipriote, duke theksuar se këto pretendime të tepërta shkelin të drejtat sovrane të Turqisë dhe turqve qipriotë.

Ankaraja ka dërguar disa anije për stërvitje në muajt e fundit për të hulumtuar për burimet e energjisë në Mesdheun Lindor, duke mbrojtur të drejtat e saj në rajon si dhe ato të Republikës Turke të Qipros Veriore.

Udhëheqësit turq kanë theksuar vazhdimisht se Ankaraja është për zgjidhjen e të gjitha problemeve të pazgjidhura në rajon përmes ligjit ndërkombëtar, marrëdhënieve të fqinjësisë së mirë, dialogut dhe negociatave.