Filip Kuznetsov kaloi një natë të tërë në një furgon policie bashkë me 17 protestues të tjerë sepse qendrat e paraburgimit të Moskës ishin plot.

Ai ishte në mes të një rekordi prej 4,002 personash të arrestuar në të gjithë Rusinë javën e kaluar, derisa turma të mëdha dolën në rrugë për të kërkuar lirimin e politikanit të opozitës Alexei Navalny.

Protesta të mëtejshme janë thirrur të dielën, duke kërcënuar që të tendosin sistemin edhe më tej.

Aktivisti anti-korrupsion, Alexei Navalny, kritik i ashpër ndaj Kremlinit, u burgos gjatë kthimit të tij të fundit në Rusi, pasi u rikuperua nga një përpjekje për ta vrarë atë me një agjent nervor.

Një gjykatës e kishte dënuar Filipin me 10 ditë paraburgim të hënën për pjesëmarrjen e tij në protestë.

Por policisë iu deshën edhe dy ditë për të gjetur hapësirë në qelitë e qytetit. Grupi i tij kishte pritur jashtë Qendrës së Paraburgimit Nr.2 të Moskës për 17 orë, i ushqyer vetëm nga vullnetarë që sillnin sanduiçe në furgon.