Policia nga tetë vende evropiane ka shkatërruar një organizatë kriminale ballkanike, e cila dyshohet se drejton rrjetin më të madh të shpërndarjes së kokainës në kontinent.

Autoritetet thanë të hënën se kanë arrestuar 61 persona dhe kanë sekuestruar më shumë se katër tonelata metrikë të drogës.

Policia sekuestroi gjithashtu 324 kilogramë marihuanë, 612 mijë euro para të gatshme, nëntë automjete luksoze dhe pesë motoçikleta, shkruan Euronews.

Europol, agjencia policore e Bashkimit Evropian, tha se karteli krijoi një “tubacion kokaine” nga Amerika e Jugut në Spanjë dhe vende të tjera evropiane.

“Grupi, i cili përmbyti Evropën me kokainë, u sulmua pas një operacioni të paparë të zbatimit të ligjit ndërkombëtar”, ka thënë Europol në një deklaratë.