Presidenti i Kolumbisë ka njoftuar se qeveria e tij do të ndërpresë marrëdhëniet diplomatike me Izraelin, pas përshkallëzimit të konfliktit në Gaza.

Gjatë një tubimi që pati në Bogota të mërkurën, Gustavo Petro e përshkroi përsëri rrethimin e Gazës nga Izraeli si “gjenocid”.

“Nesër, marrëdhëniet diplomatike me shtetin e Izraelit do të prishen. Nëse Palestina vdes, njerëzimi vdes dhe ne nuk do ta lëmë të vdesë”- u shpreh ndër të tjera Gustavo Petro.