4 persona humbin jetën, përfshirë 2 të mitur

Një avion turistik është rrëzuar në brigjet lindore të Australisë, ku 4 persona kanë humbur jetën. Në mesin e  viktimave janë dy të rritur dhe dy fëmijë.

“Ky është një aksident tragjik, në prag të Krishtlindjeve dhe kjo është gjëja e fundit që çdo familje duhet të kalojë në këtë periudhë të vitit,” u tha inspektori Craig White gazetarëve.

Pamjet e siguruara nga agjencia e lajmeve Reuters tregojnë avionin i cili qëndron mbi ujë .

Sipas autoriteteve australiane për të zbuluar shkakun e kësaj ngjarje do të duhet të paktën gjashtë deri në tetë javë.