10 akse rrugore nga veriu në jug të vendit pritet të përfudojnë gjatë ketij mandati. Sipas kryeministri Edi Rama, këto segmente të rëndësishme do të mbulohen nga buxheti i shtetit.
Shefi i qeverisë tha se në katër vitet e ardhshme synohet ndriçimi i të gjithë rrugëve te Shqipërisë. Sipas Rames dështimi i katër viteve qe lamë pas erdhi si pasojë e koalicionit me LSI-në.
Kryeministri tha se përmes programit 1 miliard dollarë do të rrisim ekonominë dhe do të rrisim punësimin. Rama sqaroi edhe njëherë qytetarët për reformën e ujit dhe veçanërisht tek hapja e puseve pa leje.
“Për sa i përket puseve, është krijuar një konfuzion, që ka një arsye themelore, moskuptimin. Njerëzit thonë ‘ç’të duhet ty me ujin që e nxjerr vet’. Shko provo të nxjerrësh ujë vetë në Itali dhe na lajmëro nëse do dalë para uji nga vrima apo do ngrihesh ti zbukthi të japësh llogari. Ujin e kujt po merr, të gjyshit? Është pasuri kombëtare. Nuk mund të shposh ku do ti. S’do ketë pagesë për ata që s’kanë ujë në shtëpi. Do marrim masa për ofertat e papërgjegjshme, s’do jemi prej e ofertave që vijnë me papërgjegjshmëri me ulje 40%, nga kompani fantazmë.”
Ndërkohë shefi i qeverisë tha se kanë nisur penalizime për supervizorë dhe zyrtarë të përfshirë në dëmin ndaj buxhetit të shtetit.
