Ish-zyrtari i Shtëpisë së Bardhë tha se Presidenti Donald Trump beson një teori të pabazuar të komplotit që Ukraina ndërhyri në zgjedhjet e vitit 2016 e jo Rusia, sipas një raporti të ri të Washington Post.

Besimi i Trump se Ukraina ndërhyri në zgjedhjet e vitit 2016 është një nga shkaqet kryesore të akuzave ku ai u shpall fajtor këtë javë nga Dhoma e Përfaqësuesve.

Presidenti u akuzua nga Dhoma e Përfaqësuesve të mërkurën, pasi një hetim zbuloi se ai bëri presion ndaj Ukrainës për të filluar një hetim të brendshëm për teorinë e mashtruar ndërsa mbajti ndihmë ushtarake për vendin, i cili është në konflikt me Rusinë, transmeton Telegrafi.

Sipas Washington Post, një numër i ish-zyrtarëve të Shtëpisë së Bardhë besojnë se Trump po e mbështet besimin e tij nga ato që i ka thënë Putini personalisht, se Rusia nuk është përgjegjëse për një hile të vitit 2016 në Komitetin Kombëtar Demokratik.

“Një ish-zyrtar i lartë i Shtëpisë së Bardhë tha se Trump madje deklaroi aq qartë në një moment, duke thënë se ai e dinte që Ukraina ishte fajtori i vërtetë sepse ‘më tha Putini”.

Këshilltari special i Departamentit të Drejtësisë, Robert Mueller për ndërhyrjen në zgjedhjet e vitit 2016 zbuloi se hakerat rusë u fajësuan për rrjedhjet e postës elektronike të DNC 2016, gjë që çoi në zbulimin e afro 20,000 emailave.

Putin, 67-vjeç, mbrojti Trumpin, 73-vjeç, të enjten kur u pyet për akuzat e presidentit amerikan duke u bërë vetëm presidenti i tretë në historinë amerikane që do të akuzohej.

Si Putin ashtu edhe qeveria ruse kanë qenë fokusi kryesor përgjatë presidencës së Trump, pasi FBI drejtoi një hetim të zgjatur për zgjedhjet e vitit 2016 dhe nëse fitorja e Trump u ndihmua nga ndikimi rus në votuesit amerikanë.

Putini dhe Trump të dy kanë mohuar akuzat.