Në shenjë revolte për shkak të vrasjes së mjekut në “Zhelezarë” dhe mungesës së sigurisë së mjekëve, mjekët privatë të hënën prej orës 12 deri në 16 nuk do të punojnë me pacientë.

Kryetarja e Shoqatës së Mjekëve amë, Lili Dervishova Çollakova, u ka thënë mediave se tashmë një kohë të gjatë, shoqata që numëron rreth 1500 mjekë po kërkon që të sillet një ligj për veprimtarinë mjekësore, me çka mjekët do të ishin më të sigurtë.

Ajo ka nënvizuar se është shumë e rëndësishme që shteti të ofrojë mbrojtje për mjekët.