“Do pastrohen paratë e pista të klientëve të Ramës”

Kryetari i Partisë Demokratike Lulzim Basha thotë se me shembjen e paligjshme të Teatrit Kombëtar për të pastruar paratë e pista të klientëve të tij, Rama i vuri kazmën themeleve të shoqërisë sonë.

Sipas Bashës, “dhuna ndaj qytetarëve dhe gazetarëve është e papranueshme ndaj aktivistët, artistët, opozitarët e arrestuar duhet të lirohen menjëherë”.

Basha thotë se “Rama është varrmihësi i paqes sociale në vend, varrmihësi i ekonomisë së shqiptarëve, hajduti i pronave publike dhe një kriminel ordiner që ka shkelur dhe uzurpuar çdo pushtet”.

“Pa shporrur atë, në këtë vend nuk do ketë as ligj, as demokraci, as zhvillim dhe as mirëqenie për njerëzit”, shkruan Basha.

Në selinë blu, Basha ka mbledhur krerët e partive aleate për të vendosur për hapat që do të ndiqen në vijim.