Ambasada gjermane: Riatdhesimi i shqiptarëve edhe në dy javët në vijim

Mbi 380 shtetas shqiptarë pritet të riatdhesohen në dhjetë ditët e para të shtatorit nga Gjermania. Sipas njoftimit të Ambasadës Gjermane, vetëm ditën e sotme do të riatdhesohen 340 persona.

Rreth orës 14.10 do të kthehen 200 persona nga aeroporti “Nënë Tereza”, dhe 30 minuta më vonë edhe 140 azilkërkues të tjerë. Ditën e enjte do të kthehen 40 persona, ndërsa më 4 dhe 10 shtator do të mbërrijnë dhe një numër ende i pacaktuar shtetasish të tjerë. Këta janë shtetas shqiptarë që kishin kërkuar azil në Gjermani, por që u është refuzuar.

Leave a Reply