Behgjet Pacolli jep 1 milion euro për të prekurit nga tërmeti

Lideri i AKR-së, njëkohësisht Ministër I Jashtëm I Kosovës Behgjet Pacolli ka lajmëruar se do të japë 1 milion euro për ndihmë në favor të banorëve të prekur nga termeti I fortë në Durrës dhe Thumanë.

Ai e bëri këtë lajmërim në rrjetet sociale duke thënë se bashkë me familjen e tij menduan te dhurojne kete shume te konsiderueshme për rindërtimin e zonave të prekura nga tërmeti,.

Biznesmeni I njohur nga Kosova tha se është tronditur kur pa dëmet në jetën e njeriut dhenë infrastrukturën që tërmeti shkatërrues la në Shqipëri.

Gjithashtu Pacolli deklaroi se pret në mënyrë të organizuar edhe qindra familje në Prishtinë për ti sistemuar.

Unë u trondita kur pashë dëmet në jetën e njeriut dhe në infrastrukturë që tërmeti shkatërrues po lë pas në Shqipëri.
Kjo kërkon solidaritet dhe mbështetje për të siguruar që qytetarët e prekur mund të kthehen shpejt në jetën normale.
Kemi vendosur së bashku me familjen time ( ne djemt e Isa dhe Ruhan Pacollit) që të dhurojmë 1 milion Euro për rindërtimin e zonave të prekura nga tërmeti.
Ky donacion do të shkojë në funksion të rindërtimit dhe bashkê me Qeverinë e Shqipërisë do të menaxhohet në mënyrë transparente dhe të sigurt.
Kjo është më e pakta që unë dhe familja ime mund të bëjmë për Shqipërinë. Mbështetja ime për vëllazerit tonë do të jetë e vazhdueshme dhe shpresoj së shpejti ata të kthehen në normalitet.
Unë pres poashtu që në menyrë të organizuar të pranoj edhe qindra familje ketu ne Prishtine.