Në një intervistë më parë në radion Reshet Bet, Yair Golan, ish-oficer i lartë i ushtrisë izraelite dhe aktualisht një nga figurat kryesore të opozitës, kishte deklaruar se “një vend i shëndoshë mendërisht nuk përfshihet në luftë kundër civilëve, nuk vret foshnja si një hobi dhe nuk vendos si qëllim të vetin dëbimin e një populli.”

Netanyahu, tanimë i gjykuar nga gjykata ndërkombëtare, ka mbajtur një konferencë për shtyp në Tel Aviv, ku u shpreh me tone të forta kundër kritikave të bëra nga lideri i opozitës, Yair Golan.

Ai e kundërshtoi ashpër Golanin, i cili kishte deklaruar se Izraeli po vret foshnja “si një hobi” në Gaza, duke e cilësuar këtë si një akuzë të pabazuar dhe të padrejtë ndaj ushtrisë dhe qeverisë izraelite.

Komentet e Golan ishin një zë i rrallë kritik nga brenda Izraelit, i cili shpesh mbështet me unanimitet veprimet e qeverisë dhe ushtrisë gjatë konfliktit. Kjo situatë nxiti debate të gjera në publik dhe në media, duke nxjerrë në pah ndarjet brenda shoqërisë izraelite lidhur me mënyrën e menaxhimit të luftës dhe ndikimin e saj në civilët e pafajshëm.