Liverpooli ka fituar derbin e javës në Angli përballë Tottenham Hotspur.

Në një ndeshje të jashtëzakonshme, fituesi i vendos në minutën e fundit 2-1 në të mirë të vendasve.

Mohamed Salah shënoi një gol me devijim në minutën e 26-të për t’i kaluar vendasit në epërsi.

Por shtatë minuta më vonë Heung-Min Son doli përballë portierit Alisson Becker për të barazuar gjithçka.

Me rezultatin e barabartë 1-1 përfunduan 45 minutat e para të kësaj sfide.

Edhe në pjesën e dytë dy skuadrat krijuan shumë, por u desh të pritej minuta e fundit për të parë golin e tretë.

Andy Robertson harkoi bukur nga rivënia këndore, teksa Roberto Firmino realizoi me kokë për 2-1.

Kjo fitore e ngrit Liverpoolin në pozitën e parë në tabelë me 28 pikë të tubuara, tri më shumë se Spurs që ndodhen në vendin e dytë.

Liverpoolin në javën e ardhshme përsëri e pret një takim më një skuadër londineze, ku do të përballet në udhëtim me Crystal Palace.

Ndërkohë Tottenhami i Jose Mourinhos në xhiron e 14-të do të luaj si vendas me Leicester Cityn.