Kuvendi Kombëtar i PD ka vendosur mbajtjen e zgjedhjeve për kryetarin e ri të partisë më 22 Maj.
“Me propozimin e Komisionit të Rithemelimit Kuvendi vendosi përcaktimin e datës 22 Maj si dita ku do të zhvillohet zgjedhja për kryetarin e PD”, tha Belind Këlliçi, kryetar i Komisionit të Drejtimit të Punimeve.
Po ashtu, Kuvendi konstatoi vakancën e pozicionit të kryetarit të grupit parlamentar të PD.
“Ngarkohet Këshilli Kombëtar për zgjedhjet dhe caktimin së bashku me nënkryetarët edhe të kryetarit të grupit parlamentar”, u shpreh më tej Këlliçi.
