Takimi Meta-Vuçiç: Të çojmë përpara projektet rajonale

Kryetari i Kuvendit, Ilir Meta dhe kryeministri serb Aleksandar Vuçiç, në takimin e përbashkët të zhvilluar këtë të mërkurë në Tiranë kanë konfirmuar vullnetin për të çuar përpara marrëdhëniet dhe projektet dypalëshe.

“Vizita e kryeministrit Vuçiç ndodh në një moment historik për ecurinë e marrëdhënieve mes dy vendeve. Kjo vizitë konfirmon angazhimin konkret për vazhdimin e projekteve rajonale”, citohet të ketë thënë Meta gjatë takimit.

Sipas një komunikate për shtyp të shpërndarë nga zyra e Kuvendit, kryetari i këtij institucioni ka shprehur gjithashtu gatishmërinë që parlamentet e dy vendeve të rrisin bashkëpunimin.

“Marrëdhëniet mes popullit serb dhe atij shqiptar janë kyçe në rajon. Është detyrë e politikanëve të dy vendeve që të ndërtojnë mirëbesimin reciprok”, citohet më tej Meta.

Në njoftimin zyrtar saktësohet më tej se, kryetari i Kuvendit ka vlerësuar se, të dy vendet duhet të maksimizojnë energjitë në mbështetje të perspektivës evropiane.

Leave a Reply