Ardit Ferizi është në mesin e 60 të akuzuarve nga Departamenti i Drejtësisë në Shtete e Bashkuara të Amerikës për krime të lidhura me terrorizëm, dhe i vetmi në fushën e kibernetikës.Ky numër i paparë paraqet një kërcënim të rritur nga Shteti Islamik dhe ndikimi i medieve sociale në rekrutët potencial, shkruan Washington Post, transmeton Koha.net.Prokurori i Përgjithshëm, John Carlin ka thënë se lidhja më e zakonshme në çdo rast është tek mediet sociale, duke potencuar moshën e re të të akuzuarve.Më shumë se 55 për qind të personave janë më të ri se 25 vjeç, kurse më shqetësuesja është tek një e treta e tyre që janë 21-vjeçar ose më të ri.Për herë të parë, sipas Washington Post, prokurorët amerikanë kanë akuzuar një të dyshuar për terrorizëm në rrafshin e hakerëve. “Cyberterrorism” është forma që përdor mjetet kompjuterike për të përkrahur organizatat terroriste.Ardit Ferizi, qytetar i Kosovës, është arrestuar në Malajzi me një urdhër arrest të përkohshëm nga ShBA-të.Akuzat e shpallura në tetor për Ferizin, akuzojnë atë për përdorim kibernetik për të vjedhur të dhënat personale të anëtarëve të shërbimit amerikan, e më pas ato të dhëna ai i transferonte tej Junaid Hussain, një haker i Shtetit Islamik.