Daniel Doubis e ka fituar meçin duke e mbrojtur titullin e IBF-së të peshave të rënda në boks, pasi e mposhti Anthony Joshuan me nokaut.

Doubis u tregua më i mirë që nga fillimi, ku në rundin e parë arriti që ta rrëzojë Joshuan.

Në rundin e dytë, Doubis sërish nisi me goditje të furishme, por Joshua arriti që ta neutralizonte paksa.

Kurse, në rundet tre dhe katër, Doubis sërish arriti që ta rrëzonte Joshuan, madje në rundin e katërt dy herë, por Joshua, pavarësisht numërimit të gjyqtarit, e vazhdoi garën.

Nokauti për Joshuan erdhi tek në rundin e pestë, ku Doubis i dha disa goditje të forta, nga të cilat Joshua s’arriti të këndellet.