Irani ka nisur një satelit ushtarak në orbitë në një lëvizje që ka të ngjarë të rrisë tensionet me SHBA për programin bërthamor të vendit.

Në një deklaratë në faqen e saj të internetit, Garda Revolucionare e Iranit tha se lëshimi ndodhi nga shkretëtira qendrore e vendit dhe se sateliti kishte arritur në një orbitë prej 425 km mbi sipërfaqen e Tokës.

Sateliti është quajtur “Noor” – që do të thotë “dritë” – dhe IRG përdori një transportues satelitor Ghasad për ta dërguar në hapësirë, një sistem që më parë ishte i panjohur, raportoi AP.

Departamenti Amerikan i Shtetit dhe Pentagoni nuk kanë dhënë ende asnjë koment.

Por lëshimi vjen në mes të tensioneve me Uashingtonin pas prishjes së marrëveshjes bërthamore iraniane dhe pas një sulmi me dronë amerikan ku mbeti i vrarë  Qassem Soleimani në janar.

Michael Horowitz, kreu i inteligjencës në LeBeck International, tha për Euronews se kjo është një përparim i rëndësishëm për Iranin, duke pasur parasysh përpjekjet e dështuara.

“Uashingtoni ka të ngjarë ta vëzhgojë këtë zhvillim nga afër: Programi hapësinor i Iranit është i lidhur ngushtë me ato të raketave dhe bërthamave. Nëse Irani është i aftë të nisë satelitët e rëndë ushtarakë, ai mund të jetë në gjendje të montojë edhe pajisje bërthamore në raketa ndërkontinentale.

“Unë mendoj se ky është një mesazh i qartë dhe është pjesë e përpjekjes së Iranit për t’i bërë presion  Uashingtonit dhe europianëve pas tërheqjes së SH.B.A. nga JCPOA.”

Të dielën, Garda pranoi se kishte pasur një konfrontim të tensionuar me anije luftarake amerikane në Gjirin Persik javën e kaluar dhe ata kanë pretenduar se forcat amerikane nisën incidentin.