Presidenti turk, Recep Tayyip Erdoğan, ka zhvilluar telefonata të ndara me presidentin e Gjeorgjisë, Salome Zourabichvili dhe atë të Senegalit, Macky Sall.

Drejtoria e Komunikimeve e Turqisë njoftoi se në thirrjen telefonike me homologun e tij gjeorgjian, të dy presidentët trajtuan lidhjet dypalëshe dhe çështjet rajonale.

Presidenti Erdoğan i tha presidentit Zourabichvili se të dy vendet mund të punojnë në projekte të përbashkëta energjetike dhe të transportit, duke përfituar nga mundësitë që po shfaqen në rajon.

Me presidentin Sall, presidenti turk diskutoi mënyrat për të përmirësuar më tej marrëdhëniet dypalëshe, së bashku me zhvillimet e fundit rajonale.

Në të dy bisedat, Erdoğan shprehu falënderimet e tij për solidaritetin e Gjeorgjisë dhe Senegalit me Turqinë gjatë betejës së saj kundër zjarreve pyjore që janë aktive në rajonet jugore të vendit.//AA