Në betejën në Heraklea, afër Tarentit (280 para Kr.) Pirroja i Epirit u ndesh me një ushtri romake dy herë me të madhe se ushtria e tij dhe doli fitimtar. Aty ai përdori edhe elefantët, të cilët romakët i shihnin për herë të parë. Në këtë betejë, megjithëse fitoi, Pirroja pati shumë humbje në oficerë dhe ushtarë. Prej këtej lindi edhe shprehja “Fitore si e Pirros” që përdoret në rastet e arritjes së një qëllimi, por me humbje të mëdha, që në ndonjë rast edhe s’ia vlen.(Hejza)