Katër-pesë pyetjet e fundit kanë të bëjnë me strategjinë, me platformën, me programin, me planin aksional, me idetë, me vizionet e Shaquas në aspekt të drejtimit të BFI-së? Po çka i duhet gazetarit dhe Shaquas këto pyetje kur dihet se nuk është kjo punë e tij por, thjesht, t’i përgatisë zgjedhjet për kryetarin e ardhshëm të BFI-së! Apo, u bë bytha e Shaquas të na tregojë nëse do të ketë apo jo zgjedhje në BFI

Shkruan Haxhi Isa Xhaviti

Po ku di Shaqir Fetai se çka është strategjia! A e di ai se çka është plani akcional ditor, javor, mujor! A e di ai se çka është platforma e veprimit mbi të cilën bazohet një program racional? Po ku di dhija çka është tagjia!
Plan i Shaqir Fetait qenka kthimi i vakëfit dhe i Xhamisë së Prilepit! Po si? Duhet të ketë një strategji edhe për këtë gjë! Qenka turp për maqedonasit që e paskan shndërruar këtë xhami në tualet! Po cili është këtu turpi i Shaqir Fetait për humbjen e kësaj Shtëpie të Zotit?! Çka bëri Shaqir Fetai për këto 18 vite, si Myfti, për ta rikthyer këtë objekt? Cilët janë fjalimet e Shaqir Fetait nëpër mbledhjet e Rijasetit ku shihen shqetësimet e tij për ta rikthyer këtë Xhami! Cili është presioni i Shaqir Fetat si organ mbi Sulejman Rexhepin i cili është zotuar se do ta rikthejë xhaminë në po atë gjendje që ka qenë para vitit 2001! Qenka vetëm turp i maqedonasëve dhe jo kryekëput i Shaqir Fetait, a! Po a është problem vetëm kjo xhami në Prilep? Shaqir Fetai është dëshmitar, madje edhe duartrokitës i Sulejman Rexhepit, kur ky i fundit Myftinisë së Prilepit ia “gëlltiti” mbi dy mlion euro në emër të kthimit të vakëfit, gjegjësisht, të denacionalizimit të pronës së vakëfit të Prilepit! Myftiu i mendermethënshëm i Prilepi, efendi Shefqeti, ia dorëzoi të gjitha bonot në vlerë Sulejman Rexhepit, në kundërshpërblim të titullit myfi, (ndonëse Shefqeti është tërësisht i mjerë), edhe pse duhej që të dorëzonte vetëm tridhjetë për qind! A e ndihmoi Shaqua efendi Shefqetin që të ruhej nga synimet grabitçare të Sulejman Rexhepit! A e bëri problem këtë zhvatje të shefit të tij! Si do ta rikthejë këtë vakëf pasi është bluajtur nga Sulejman Rexhepi (para këto të përdorura nëpër kazino, nëpër masazha, nëpër zina, nëpër bixhoz, nëpër sauna e nëpër ahengje ditëlindjesh, blerje dekoratash, këngëtarësh, pjevaçicash etj! Shaqir Fetai e ka ditur këtë krim, po tani si do ta ç’bëjë?! Kjo në Prilep qenka e turpshme edhe për faktorin ndërkombëtar! Për të gjithë e turpshme, vetëm për Shaqir Fetain jo, i cili për rreth një decenie e gjysëm ka qenë vasal palaço dhe budalla borrtar i Sulejman Rexhepit!
Shaqir Fetau paska ndërmend të angazhohet për të drejtat fetare nëpër kazerma, nëpër struktura policore, nëpër spitale, burgje, hapja të çerdheve për fëmijë etj! Po a mund të na thotë njëherë Shaqir Fetahu se cila është e drejta e nëpunësve fetarë nëpër vetë xhamitë e vendit? Cili është benifiti i të qenurit hoxhë në Maqedoninë e Veriut, pikërisht në kohën sa ka qenë Myfti Shaqir Fetai? Cili është autoriteti i hoxhës sot? Cili është dinjiteti i tij, cila është pesha e fjalës së tij; cila është pesha e vendimit të tij; cili është personaliteti i tij, sot, në kohën sa ka shërbyer si organ Shaqir Fetai! Thjesht, Shaqir Fetai nuk ka mundur ta konceptojë hoxhën jasht të qenurit spiun, tradhëtar dhe shërbyes i rëndomtë dhe i detyrueshëm për atë që paguhet, paçka që paga është qesharake!
Në Maqedoninë e Veriut janë dhe funksiuonojnë dhjetra shoqata islamike si dhe shtëpi botuese që prezantojnë islamin e ndaj të cilave Shaqua, qoftë si myfti qoftë si “shkencëtarë”, kurrë nuk ka pasur kurrfarë vërejtje. Ndërsa thotë se Bashkësia Fetare Islame na qenka i vetmi subjekt kompetent për prezantimin e islamit dhe organizimit të jetës fetaro-islame në vendin tonë! Po këto shoqata e asociacione që merren po me të njëtën punë, çka janë këto? Pse Shaqua deri dje bashkëpunonte më të gjitha ndërsa sot i duken si “mish i egër”! Për këtë gjë Shaqir Fetai ka një përgjigje, e cila, do ta kualifikonte në “intelektualët” më diletantë dhe më injorantë në botë! Ai thotë: “Ky preznatim është tejet kompleksiv sepse jetojmë në Ballkan dhe në Europë në nënqiellin e shkencës dhe ekonomisë, kulturës, artit dhe zhvillimeve të shumta. Andaj duhet të jemi të përgatitur mirë, si nga aspekti kadrovik po ashtu edhe nga ai institucionlal”! Fjali më idiotike a keni lexuar???
Dhe, në këtë aspekt ai radhitë një numër institucionesh që do t’i themelojë në të ardhmen? Kush ai!? Shaqir Fetai? Në të ardhmen ai mund ta shohë veten vetëm eventualisht si Myfti i cili mund ta nxisë foemimin e këtyre Institucioneve, si shenjë e ndryshimit të vetëvetes nga periudha kur i shërbente ekskluzivisht interesave meskine të Sulejman Rexhepit!
Për ta përmbyllur si komik pjesën e vet në një tragjedi të tmerrshme dhe, për ta bërë vetën për t’u gjuajtur me domate të qullavta, Shaqir Fetai thot: “do të jemi shumë kreativë me pjesëmarrjen tonë në konferenca të vendit dhe ndërkombëtarë, ku do t’i prezantojmë vlerat dhe mendimet tona rreth shumë çështjeve me të cilat ballafaqohet bota moderne. Për këtë kemi edhe aftësi kadrovike, edhe profesionalizëm të vërtetë”!
A i ka hije të flasë kështu Shaqir Fetait që e pretendon titullin shpirtëroro “reisul ulema”? A është në vete ai se çka fletë! Deri kur Shaqir Fetai mund të mendojë se mund të tallet me myslimanët e vendit! Po si ia zë goja të thotë se kemi kapacitete të kontribuojmë në tejkalimin e problemeve me të cilat përballet bota moderne! Bota moderne për momentin po përballet me implikimin e qeverive të huaja e super të fuqishme në kontrollimin e çdo gjëje që është online! Si do ta pengonte këtë problem Shaqir Fetai me kuadrin e vet “një aradhë injorantësh”! Bota moderne, pra, ajo jo islamike, e ka shumë të qartë se vjedhja e vakëfit apo edhe kontributi me heshtje i vjedhjes së vakëfit, është një nga mëkatet më të mëdha në islam, si do ta vërtetonte këtë Shaqir Fetai i cili plotë një decenie e ndihmoi Sulejman Rexhepin që të rraset me vakëf të vjedhur!
Shaqir Fetai në këtë intervistë në pjesën e programit të tij si “reis i ardhëshm” ka vjedhur plotë ide të huaja, ka vjedhur plotë pika dhe vizione nga Platforma e Lëvizjes Myslimane për Reforma në BFI si dhe nga strategjitë e udhëheqësit të saj, H. Afrim Tahirit, të cilat i ka botuar atëherë kur Shaqua i duartrokiste budallallëqeve të Suleman Rexhepit duke e konsideruar si “shpëtimtarin” e myslimanëve të Maqedonisë së Veriut! Ai vjedh sepse është mësuar të vjedhë, ndryshe nuk mund të funksionojë: ose të vjedhë, ose të kompilojë, ose të rritet mbi plagjiaturë “shkencore”! Kjo i “lejohet” vetëm “shkencëtarit” me tru të atrofizuar! Ai thotë se do ta riorganizojë “Hilalin”? Po pse? Çka nuk i pëlqen si funksionon kjo “organizatë humanitare” ! Pse nuk e shprehu këtë shqetësim sa ishte Myfti? Ose, çka paska hetuar ai tani, derisa ka qasje në dokumentet e “Hilalit” për të cilën thotë se gjithësesi që duhet të riorganizohet?! Pse Shaqua nuk e tregon arsyetimin e kësaj domosdoshmërie të riorganizimit të “Hilalit”!
Dhe, krejt në fund, Shaqir Fetai shumë shkarazi flet për paralajmërimin e vëtë atij për zgjedhjen e Kryetarit të BFI-së? Nuk e ka të qartë fort këtë pyetje Shaqua! Prandaj, nuk është i qartë nese kësaj pune duhet t’i hyhet pasi të ndërrohet Kushtetuta apo t’i hyhet me Kushtetutën aktuale! A e di Shaqir Fetai se nëse prekë në këtë çështje, fundi i tij do të ishte burgu! Po ku guxon ushtruesi i detyrës të merret me ndryshime të Kushtetutës! Ne po i themi që, edhe një herë, le t’ia hedhë një sy dokumentit se si është regjistruar në Regjistrin Qendror dhe tek atëherë le t’i qaset aventurave! Çdo punësim, çdo shkarkim, çdo largim nga puna, çdo ndryshim të akteve normative, të vendimeve paraprake, të rregulloreve, statuseve, Kshtetutës – është vepër penale dhe e dënueshme me burg. Asnjë shkronjë të Kushtetuutës ekzistuese, ndonëse jo fort e mirë, nuk guxon ta ndryshojë e ta shkelë Shaqir Fetai, sepse nuk është në tagrin e tij. Le ta dijë Shaqua se, është nën survejim profesional dhe shumë kompetent. Mos të thotë pastaj “o kuku çka i bana vetes”!

(fund)