Sulmi me dron pranë qytetit Binyamina  që vrau katër ushtarë izraelitë 19-vjeçarë dhe plagosu 67 të tjerë, ka shkaktuar shqetësim të madh në Izrael, pasi është hera e dytë që përgatitja antiraketë e Izraelit përballet me probleme.

Të vdekur, sipas forcave të armatosura izraelite, janë rreshterët 19-vjeçarë Omri Tamari, Yosef Hib, Yoav Agmon, Alon Amitav, të gjithë anëtarë të brigadës elitare Golani, kampi i të cilëve ishte objektivi i Hezbollahut.

Këtë herë besohet se ka përdorur një dron Mirsad-1, të cilin Hezbollah e ka zhvilluar për më shumë se dy dekada.

Siç raporton Jerusalem Post duke cituar vëzhgime nga ekspertët e Qendrës Alma, Mirsad-1 bazohet në modelin Mohajer-2 të Iranit, me modifikime të vogla të përshtatura për operacionet e Hezbollahut.

Droni në fjalë mund të mbajë deri në 40 kilogramë eksploziv, ka një shpejtësi maksimale prej 370 kilometra në orë dhe ka një rreze operative prej 120 kilometrash.

Hezbollahu ka përdorur Mirsad-1 për operacione zbulimi dhe sulmi që nga viti 2002, shpesh duke e përdorur atë për të depërtuar në hapësirën ajrore izraelite.

Sipas një raporti nga Defense Industry Daily, kjo nuk është hera e parë që një Mirsad-1 i shmanget mbrojtjes së Izraelit, një incident i ngjashëm ndodhi më herët në vitin 2024 kur dronët e Hezbollahut fluturuan mbi territorin izraelit për disa minuta përpara se të ktheheshin në Liban të padëmtuar.

Dronët si Mirsad-1 lejojnë Hezbollahun të kryejë sulme precize thellë brenda territorit izraelit duke minimizuar rrezikun për personelin e tij.

Raportet nga Qendra Kërkimore Alma thonë se Hezbollah ka mbi 2,000 dronë në arsenalin e tij, ndërsa disa vlerësime pretendojnë se grupi ka modele më të avancuara si Mohajer-4 dhe Shahed.

IDF ka nisur një hetim se pse nuk u ngrit asnjë alarm gjatë incidentit në Binyamina, pavarësisht përdorimit në rritje të Hezbollahut të dronëve në sulmet e tij.