Shkruan Jasir Jashari

Pas intervistës së Haxhi Sulejman ef. Rexhepit dhënë portalit shqiptar TetovaSot e në të cilën, veç të tjerash, flet edhe për ish-bashkëpunëtorët e tij që tani shkojnë tek ai dhe të përlotur rrefehen për tërë lojën që ia luajtën pas shpine, me të madhe ka filluar një shqetësim i “grave të këqia”! Pse kontaktohet Sulejman Rexhepi? Pse shkojnë njerëzit tek ai dhe “spiunojnë”! Pse nuk vazhdojnë ta kritikojnë edhe më tej por, “me pa të drejtë” e kritikojnë Shaqir Fetain, i cili, për efekt të karrierizmit hoqi dorë nga të qenurit mik i ngushtë i Sulejman Rexhepit!
Shaqir Fetai, si dhe marionetat e tij, që dikur ishin bashkpunëtorët profesionistë dhe të respektuar të Sulejman Rexhepit, kërkojnë nga myslimanët e vendit që mos të interesohen shumë e shumë për atë se, cila dorë e zezë i tuboi aq shpejtë, brenda natës, dhe ia shprehën mosbesimin Sulejman ef. Rexhepit, duke e shpallur si të shkarkuar dhe, njëkohësisht, Shaqir Fetain të ngarkuar me detyrën për t’i organizuar zgjedhjet e reja në BFI!
Shaqir Fetai dhe marionetat e tij që dikur i shërbenin “me besnikëri” Sulejman Rexhepit, insistojnë që t’i bëjnë të gjithë temena Shaqir Fetait, të përkulen para tij, sepse e kanë të fortë, prapa tij qëndon pushteti dhe struktura të caktura e shumë të fuqishme që vendosin për fatin e shtetit, pra, edhe për fatin e myslimanëve të këtushëm. Do me thënë se, farsa e dikurshme se Sulejman Rexhepi ishte “i përgëdheluri i pushtetit dhe i policisë maqedonase” nuk paska qenë asgjë tjetër përveçse frikësim i kotë. Frikë duhet të kemi nga Shaqir Fetai, sepse u dëshmua që ky paska qenë ai më i forti, ai prapa të cilit paskan qëndruar segmente të caktuara që ta rrëmbejnë dheun nën këmbë!
Shaqir Fetai dhe marionetat e tij që dikur jepnin shpirt për Sulejman Rexhepin, habiten, madje janë shumë të revoltuar kundër kritikëve të Shaqir Fetait. Ata nuk e kanë të qartë se pse nuk vazhdojnë edhe më tej kritikat kundër Sulejman Rexhepit por janë orientuar kundër Shaqir Fetait!
Këta “kriticistë të pistë” e meritojnë një përgjigje të thjeshtë! Sulejman Rexhepi nuk po i bën asnjë të keqe Bashkësisë Fetare Islame! Sulejman Rexhepi nuk po e hap gojën për tradhëtarët, për spiunët, për hajnat, për bashkëpunëtorët e shërbimeve të huaja që ia ngulën thikën pas shpine dhe u rreshtuan pas Shaqir Fetait, pas njeriut i cili gjithnjë i ka kritikuar pas shpine te reisi i tij Sulejman ef. Rexhepi.
A ka kuptim që të fajësohet sot Sulejman Rexhepi për hajnitë, tradhëtitë dhe shkatërrimet e sotshme që po i bëhen BFI-së! Apo, duke u kritikuar Sulejman ef. Rexhepin, do të lihen të qetë tradhëtarët e tij, ata që e tradhëtuan, ata që iu përgjigjën shërbimeve sekrete që brenda natës të tubohen dhe ta shpallin “persona non grata” të BFI-së!
Ta vizitosh sot Sulejman Rexhepit është një lloj pendese, mbi të gjitha, një lloj solidarizimi me zhgënjimin e tij kundër miqve që dikur i pati më të besueshmit e tij, që i mbajti si pëllumba, që para myslimanëve të vendit i prezantoi si “alima të mëdhenj”, që ua besoi edhe shtratin te këmbët e tij!
Ta vizitosh sot Suejman ef. Rexhepin është shumë njerëzore pas asaj plage që ia shkaktuan në pabesi “miqtë e tij më të ngushtë”, të cilët i trajtoi si evladë, si pjesëtarë të familjes së vet të ngushtë; të cilëve ua besoi edhe sekretet më intime.
Të pishë sot kafe me H. Sulejman ef. Rexhepin është, thjesht, demonstrim i urrejtjes kundër të gjithë atyre besëprerësve, të pabesëve, që ia ngulën thikën pas shpine reisit të tyre; është manifestim i protestës kundër keqmenaxhimit me BFI-në nga strukturat e instaluara prej segmenteve antiislame e antishqiptare të pushtetit aktual maqedonas; është protestë kundër përpjekjeve për të instaluar praktika në BFI mbi mënyrën e zgjedhjes së kryetarit nga ana e shërbimeve intelegjente të huaja.
Asnjë nga myslimanët e vendit nuk mund të jenë përkrahës të Shaqir Fetait e armiq të Sulejman Rexhepit, sepse është e pandershme, nuk është dinjitoze, është tradhëti dhe solidarizim me strukturat antiislame që i qëdrojnë prapa Shaqir Fetait. Sulejman ef. Rexhepi është në hallin e tij dhe po lëngon nga thika që ia nguli miku i tij më i ngushtë, Shaqir Fetai, i cili në këtë hap u trimërua vetëm pasi e mori përkrahjen e plotë nga pushteti, i cili edhe më tej myslimanët dhe shqiptarët e vendit i trajton si “kavje” laboratorike.
Natyrisht, ata që e ndihmuan Shaqir Fetain, ata edhe do ta përhapin porosinë e tij: “mos më tradhëtoni”! Për Shaqir Fetain çdo takim me Sulejman ef. Rexhepin është tradhëti e obcionit të tij që nuk është asgjë tjetër përveçse strategji e segmenteve të caktuara që vegjetojnë nëpër kanalet nëntokësore të ish-UDB-së.
Secili mysliman që ia jep dorën Shaqir Fetait, le ta dijë, nuk do të mund të gjejë solucion në botë për ta larë pisllëkun nga ajo dorë, ndërsa psillëku nuk i ka hije myslimanit, nuk e duron as xhamia, as namazi, as hallalli. Sulejman ef. Rexhepi tashmë është “kaptinë e mbyllur”! Libër me përbajtje horror që po lexohet tash është Shaqir Fetai! Dhe, librat janë për njerëzit e këndueshëm e jo për analfabetët.