Presidenti i Shteteve të Bashkuara, Barack Obama, do të vizitojë Kubën.

Do të jetë kjo vizita e parë e një presidenti amerikan në ishullin komunist në afro nëntë dekada.

Udhëtimi i Obamës në Kubë do të jetë pjesë e një turneu në Amerikën Latine, në muajin mars, kanë bërë të ditur zyrtarë të Shtëpisë së Bardhë.

Në vitin 2014, Obama dhe presidenti i Kubës, Raul Castro, kanë bërë të ditur se do të nisin normalizimin e marrëdhënieve pas gjysmë shekulli armiqësi.

Të dyja vendet, qysh atëherë, kanë rivendosur marrëdhënie tregtare dhe diplomatike.

Calvin Coolidge ka qenë presidenti i fundit i SHBA-së që ka vizituar Kubën më 1928.