Ekspertët e Kombeve të Bashkuara për të drejtat e njeriut bënë thirrje të hënën për një hetim ndërkombëtar mbi helmimin e kritikut të Kremlinit, Alexei Navalny dhe thanë se provat e deritanishme sugjerojnë që zyrtarët e qeverisë ruse “ishin shumë të përfshirë”.

Helmimi ishte pjesë e një trendi vrasjesh të paligjshme dhe përpjekjesh për vrasje nga kritikët brenda dhe jashtë vendit, të dizajnuara për të dërguar një “paralajmërim ogurzi”, tha Agnes Callamard, raportuesja speciale e OKB-së për ekzekutime jashtëgjyqësore, të drejtpërdrejta ose arbitrare dhe Irene Khan, një eksperte e OKB-dë për lirinë e mendimit dhe shprehjes.

Navalny, 44 vjeç, u sëmurë në Siberi dhe u transferua në Gjermani, e cila tha se kishte gjetur prova se ishte helmuar nga një agjent nervor i ndaluar, raporton reuters.

Rusia mohon ndonjë rol në sëmundjen e tij dhe thotë se nuk ka parë asnjë provë që ai është helmuar.

Pas një shërimi pesë-mujor në Gjermani, Navalny u kthye në Rusi në janar. Ai u arrestua në mbërritje dhe u dënua me dy vjet e gjysmë burg për shkelje të dispozitave të një dënimi me kusht me burg.