Paketa Anti-shpifje, reagon Rama: Projektligji është diskutuar nen për nen me OSBE, sa për ERTV, mos ma…

7 / 100 SEO Score

Më 18 dhjetor në orën 09:30 protestohet kundër paketës anti-shpifje për median, nga vetë gazetarët. Kryeministri Edi Rama në një reagim për këtë lëvizje, thotë se projektligji është konsultuar me OSBE-në prej një viti dhe nuk ka asnjë qëllim të cënojë standardet e lirisë për t’u shprehur. Për kreun e qeverisë, ky ësht ënjë ligj për t’u mbrojtur nga shpifjet.

Dy fjalë kryeministri i ka edhe për ERTV-në. Teksa e falënderon opozitën për publicitetin që po i bëjnë kanalit të tij i kërkon që mos ia prekin fjalën e drejtëpërdrejtë.

“Ose s’e kanë lexuar projekt-ligjin ose duan të prekin lirisht dinjitetin e çdokujt nëpër portale e faqe sociale dhe të tallen me të vërtetën e me opinionin publik, duke shkruar çfarë t’u teket, duke shpifur sa e si t’u teket, duke shantazhuar e duke i vënë gjoba kujt t’u teket!

Projekt-ligji është konsultuar e përpunuar prej një viti, nen për nen e pikë për pikë me OSBE dhe do të hyjë në seancë pa asnjë cen në aspektin e standardeve të lirisë për t’u shprehur e të së drejtës për t’u informuar pa kufizim, po edhe të mundësisë për t’u mbrojtur nga shpifjet.

Sa për “ERTV” faleminderit për publicitetin dhe mos ma prekni ju lutem fjalën time të drejtpërdrejtë, për të gjithë ata që hyjnë pa asnjë detyrim në faqen time të fejsbukut, ku po u pëlqeu rrinë po s’u pëlqeu ikin“, shkruan Rama në Twitter.

Leave a Reply